At one time, love of multiple men does not seem bad

Posted By: Joshi on 09-07-2019 | 11:52:02Category: Political Videos, News

ایک وقت میں متعدد مردوں سے محبت کو برا نہیں سمجھتی ، بولی ووڈ اداکارہ ردھیکا آپٹے
ممبئی( آن لائن )بولی وڈ اداکارہ ردھیکا آپٹے نے کہا ہے کہ ایک وقت میں متعدد مردوں سے محبت کرنے کے خیال کو وہ غلط نہیں سمجھتی اور اس کے حق میں بھی ہیں۔یہ بیان اداکارہ ردھیکا نے نیہا دھوپیا کے شو بی ایف ایف ود ووگ میں دیا جہاں وہ آیوشمان کھرانہ کے ہمراہ پیش ہوئیں۔اس دوران ردھیکا نے ایک سوال کے جواب میں کہا کہ 'ہم اپنی زندگی میں اتنے سارے لوگوں سے ملتے ہیں
اور سب الگ الگ انداز سے ہمیں پسند بھی آتے ہیں، کسی کی شخصیت پسند آتی ہے تو کسی سے جسمانی کشش ہوتی ہے، لیکن میرا خیال ہے کہ یہ خوبصورت بات ہے'۔انہوں نے مزید کہا کہ 'ایک وقت میں ایک سے زائد مردوں سے محبت کرنے کے خیال پر میں یقین رکھتی ہوں، لیکن یہ محبت الگ انداز کی ہوتی ہے، یعنی جیسے مجھے اداکاری اور ڈانسنگ پسند ہے، ایسے ہی میں دو لوگوں سے الگ انداز میں محبت کیوں نہیں کر سکتی؟ اور ایسا ہونے پر میں خود کو سزا نہیں دیتی'۔ایک وقت میں ایک شخص سے ازدواجی تعلقات رکھتے کے عمل (monogamy) کے حوالے سے اداکارہ کا کہنا تھا کہ 'یہ ایک ایسا انتخاب ہے جس کا فیصلہ اپنی مرضی سے روز کیا جاسکتا ہے، اس میں زبردستی نہیں ہونی چاہیے، میں یہ انتخاب روز کرتی ہوں، صبح اٹھوں اور کہوں کے اس ہی شخص کے ساتھ میں اپنی زندگی گزارنا چاہتی ہوں'۔ردھیکا آپٹے کا کہنا تھا کہ وہ خود کو خوش قسمت سمجھتی ہیں کہ ان کی شادی برطانوی موسیقار بینڈکٹ ٹیلر سے ہوئی

Comments...