اسلام آباد(ویب ڈیسک) گورنر بلوچستان کیلئے سپیکر بلوچستان اسمبلی عبدالقدوس بزنجو کو فیورٹ قرار دیا جارہا ہے، بلوچستان عوامی پارٹی کے عبدالقدوس بزنجو کو گورنر بلوچستان بنانے کیلئے اسلام آباد میں اپنی سرگرمیاں تیز کر دی ہیں، عبدالقدوس بزنجو کو گورنر بنانے میں چیئرمین سینیٹ صادق سنجرانی سرفہرست ہیں اور اس مقصدکیلئے وزیراعظم عمران خان
کو بھی قائل کیا جارہا ہے، گورنر بلوچستان کیلئے نامزد ڈاکٹر امیر جوگیزئی کے خلاف بھی سازشی کئی کئی چالیں چل رہے ہیں اور ان کا راستہ روکنے کیلئے مختلف حربے استعمال کئی جارہے ہیں، ان کا راستہ روکنے کیلئے 12سال پرانا نیب مقدمہ بھی سامنےلایا گیا ہے، ذرائع نے بتایا ہے کہ گورنر بلوچستان کیلئے عبدالقدوس بزنجو کا نام سامنے آیا ہے اور اس کے بدلے سپیکر صوبائی اسمبلی کا عہدہ پی ٹی آئی کے کسی ممبر کو دیا جائے گا۔جبکہ دوسری جانب ایک خبر کے مطابق وزیراعلی ،،گورنر بلوچستان سمیت صوبے کی اہم سیاسی شخصیات نے معروف قانون دان عاصمہ جہانگیر کے انتقال پر افسوس کا اظہار کرتے ہوئے کہاہے کہ ملک ایک اچھے اور نڈر قانون دان سے محروم ہوگیا ہے عاصمہ جہانگیر کی عدالیہ اور ملک کیلئے خدمات ناقابل فراموش ہے انکی وفات سے پیداہونیوالا خلاء پر کرنا انتہائی مشکل ہے ۔یہ بات وزیراعلی بلوچستان میر عبدالقدوس بزنجو ،،گورنر بلوچستان محمد خان اچکزئی، اسپیکر بلوچستان اسمبلی راحیلہ حمید خان درانی ،سابق وزراعلی بلوچستان سردار اختر جان مینگل ،نواب اسلم رئیسانی ،سابق گورنر بلوچستان نواب ذوالفقار علی مگسی ،سینیٹر میر اسرار اللہ زہری ،سینیٹر سیف اللہ مگسی،مشیر اطلاعات انوار الحق کاکڑ نے اپنے تعزیتی بیانات میں کہی ۔انہوں نے کہاکہ عاصمہ جہانگیر نے پوری زندگی خواتین اور انسانی حقوق کیلئے جدوجہد کی مرحومہ ایک منفر د سوچ کی مالک تھی اور ہمیشہ قانون کی بالادستی کی بات کرتی تھیں انہوں نے ہمیشہ مظلوموں اور جمہوریت کے حق میں آواز بلند کی اور پسے ہوئے محروم طبقے کیلئے جدوجہد کی عاصمہ جہانگیر کی عدلیہ کیلئے بھی ناقابل فراموش خدمات ہیں وہ ہمیشہ بلوچستان کے مظلوم عوام کی آواز بنی انکی ملک کیلئے گراں قدر خدمات کو ہمیشہ قدر کی نگاہ سے دیکھا جائیگا۔انہوں نے مرحومہ کے خاندان سے ہمدردی اور تعزیت کا اظہار کرتے ہوئے کہاکہ اللہ تعالی پسماندہ گان کو صبر جمیل جبکہ مرحومہ عاصمہ جہانگیر کو جنت الفردوس میں اعلی مقام عطاء فرمائے۔(ش،ز،خ)