خان صاحب ہمارا یہ مطالبہ جلد از جلد پوراہونا چاہیے، وزیراعظم عمران خان سے ملاقات میں ایم کیو ایم نے کونسی چیز مانگ لی؟
کراچی(ویب ڈیسک) متحدہ قومی موومنٹ کا وفد وزیرِ اعظم سے اسٹیٹ گیسٹ ہاوٴس میں ملاقات کر رہا ہے، وفد نے متعدد مطالبات کے ساتھ ساتھ وزیرِ اعظم عمران خان کے سامنے سیاسی دفاتر کھولنے کا بھی مطالبہ رکھ دیا۔تفصیلات کے مطابق ایم کیو ایم کا وفد جس میں خالد مقبول، کنور نوید، نسرین جلیل،
عامر خان، فروغ نسیم اور دیگر اراکین شامل ہیں، اسٹیٹ گیسٹ ہاؤس میں وزیرِ اعظم کے ساتھ ملاقات کر رہا ہے۔ملاقات میں ایم کیو ایم تحریکِ انصاف ورکنگ ریلیشن شپ پر بات چیت کی گئی، کراچی میں ضمنی انتخابات سمیت کراچی، حیدر آباد ترقیاتی پیکیج پر بھی غور کیا گیا۔ ذرائع نے کہا کہ ایم کیو ایم وفد نے وزیرِ اعظم کو لاپتا کارکنوں کی فہرست بھی پیش کی۔ذرائع کا کہنا ہے کہ وفاق کے تعاون سے حیدر آباد یونی ورسٹی کے قیام سمیت دیگر امور پر بات چیت کی گئی اور اتحادیوں میں تحریری معاہدے پر عمل در آمد سے متعلق بھی پیش رفت کا جائزہ لیا گیا۔واضح رہے کہ وزیرِ اعظم عمران خان ایک روزہ دورے پر کراچی پہنچ گئے ہیں، انھوں نے دورے کا آغاز مزارِ قائد پر حاضری سے کیا، کراچی پہنچنے پر گورنر سندھ عمران اسماعیل اور وزیرِ اعلیٰ سندھ مراد علی شاہ نے ان کا استقبال کیا جس کے بعد وہ مزار قائد گئے۔ واضح رہے کہ اس سےقبل وزیراعظم عمران خان کی زیرصدارت اسٹیٹ گیسٹ ہاؤس میں امن و امان سے متعلق اجلاس جاری ہے جس میں وزیراعظم کو بریفنگ دی جارہی ہے۔وزیراعظم کی زیرصدارت اجلاس میں گورنر سندھ عمران اسماعیل، وزیراعلیٰ سید مراد علی شاہ،کور کمانڈر کراچی، ڈی جی رینجرز سندھ، آئی جی اور انٹیلی جنس اداروں کے حکام شریک ہیں۔ چیف سیکریٹری سندھ وزیراعظم کو امن و امان کی صورتحال پر بریفنگ دے رہے ہیں۔وزیراعظم عمران خان کراچی ایئرپورٹ پہنچے تو گورنر سندھ عمران اسماعیل اور وزیراعلیٰ سید مراد علی شاہ نے ان کا استقبال کیا جس کے بعد انہوں نے اپنے ایک روزہ دورہ کراچی کا آغاز مزار قائد پر حاضری سے کیا۔ (م،ش)