ٹرمپ سے جنسی تعلقات کا دعویٰ کرنیوالی فحش فلموں کی اداکارہ نے اپنی زندگی کا سب سے اہم فیصلہ کرلیا
واشنگٹن(ڈیلی پاکستان آن لائن)فحش فلموں کی اداکارہ سٹارمی ڈینئیل جس کی جانب سے ٹرمپ کے ساتھ2006میں جنسی تعلقات رکھنے کا الزام لگایا گیا ہے نے اب اپنے خاوند سے طلاق لینے کے فیصلہ بھی کر لیا ہے ۔

امریکی خبر رساںایجنسی ”سکائی نیوز “ کے مطابق سٹارمی ڈینئیل رنگین مزاجی میں مشہور امریکی صدر ڈونلڈ ٹرمپ کے ساتھ جنسی تعلقات اوربعد ازاں منہ بند رکھنے کے لئے ٹرمپ کی جانب سے بھاری رقم کی ادائیگی کا الزام لگاتی ہے نے اپنی زندگی سے متعلق ایک اور اہم قدم اٹھانے کا فیصلہ کیا ہے اور وہ ہے اپنے شوہر سے علیحدگی کا فیصلہ جس پرسٹارمی کی جانب سے عمل در آمد شروع کردیاگیا ہے ۔

یہ خبر فحش ادا کارہ کی وکیل کی جانب سے ٹوئٹ کی گئی ہے کہ اداکار ہ اب اپنے شوہر سے طلاق لینے والی ہے ۔سٹارمی کے وکیل نے سماجی رابطے کے ویب سائٹ پر اس بات کا انکشاف کیا ہے کہ ”میری موکلا سٹارمی ڈینئیل اور اس کا شوہر اپنی شادی ختم کرنے کا فیصلہ کرچکے ہیں اور اس سلسلہ میں ایک پٹیشن پچھلے ہفتے فائل کردی گئی ہے“

ٹوئٹ میں کہا گیا کہ سٹارمی نے یہ فیصلہ اپنی بیٹی کے لئے کیا ہے جو اس کی پہلی ترجیح ہے اور اس نے یہ قربانی اپنے خاندان کے لئے دی ہے ۔

ٹرمپ سے قانونی جنگ لڑنے کی وجہ سے سٹارمی ڈینئیل آج کل امریکی میڈیا پر چھائی ہوئی ہے ۔ اس کے خلاف ٹوئٹر پر صدر ٹرمپ کے حامیوں نے ایک طوفان اٹھایا ہو اہے جو پورن اداکارہ کی جانب سے ٹرمپ پر لگائے گئے جنسی تعلقات کے الزامات کو درست نہیں مانتے۔