” یہ تو جسم فروش خاتون کی طرح ۔۔۔ “ پاکستانی فلم کے پریمیئر پر معروف ماڈل ایسا لباس پہن کر آگئی کہ آگ لگ گئی
کراچی (ڈیلی پاکستان آن لائن) پاکستان کی فلم انڈسٹری لالی ووڈ کا احیا ہورہا ہے اور پاکستانی اس بات کیلئے پر امید ہیں کہ نہ صرف پاکستان کا موقف بلکہ ہماری ثقافت بھی دنیا بھر میں فروغ پائے گی لیکن پاکستانی اداکاروں کو دیکھ کر لگتا ہے کہ فلم انڈسٹری کے ذریعے شہرت تو حاصل کی جارہی ہے لیکن ثقافت کہیں کھوگئی ہے۔ اسی کی ایک مثال فلم پرواز ہے جنون کے کراچی کے نیو پلیکس سینما میں ہونے والے پریمیئر میں بھی دیکھنے میں آئی ۔ یہ فلم پاک فضائیہ کے شہدا کو خراج عقیدت پیش کرنے کیلئے بنائی جارہی ہے لیکن اس کے پریمیئر میں شریک ہونے والے ستارے کسی اور سیارے کی مخلوق نظر آئے۔ مغربی فیشن کے دلدادہ ستاروں نے تقریب کو چار چاند لگانے کی کوشش کی لیکن پاکستان کی روایات کو گہنا کر رکھ دیا۔ انہی ستاروں میں ایک نوجوان ماڈل و اداکارہ یشما گل بھی ہیں جو ایسے کپڑے پہن کر پریمیئر میں شرکت کیلئے آئیں کہ سوشل میڈیا پر ہنگامہ برپا ہوگیا۔

یشما گل پرواز ہے جنون کے پریمیئر میں شرکت کیلئے پھٹے ہوئے فیشن والے انتہائی مختصر کپڑے پہن کر شریک ہوئیں جس پر سوشل میڈیا صارفین نے انہیں خوب آڑے ہاتھوں لیا اور بعض لوگوں نے تو ان کے کپڑوں کو مغرب میں پائی جانے والی جسم فروش خواتین سے بھی تشبیہہ دے ڈالی۔